Митя школа азбаре пырем бераз ик Вова эшеныз чырткемъяськиз но шумпотонзэ


с. 1


­­­Анатолий Перевозчиков
Пу коньки

Верос
Митя школа азбаре пырем бераз ик Вова эшеныз чырткемъяськиз но шумпотонзэ вераны дыртћз: «Ой, Вови, тодћськод-а шур кынмем ни! Ма быдња шуд со! Нош ик конькиен нискылалом, хоккеен шудом...»

– Зэм-а, Мити? Уд-а ќрекчаськы?

– От веть та Вова эшезлы уг оскы. Ку-о мон тонэ эстымтэ мунчое лэзьялляй ини?

– Ноку.

– Иське, малы уд оскиськы? Мон школае шур дуртћ ветлћсько шуыса тодћськод ук. Али но выж доры вуи но ас синъёсылы ќй оскы: пќртмаське кожай. Шур дуре васькыса, йќэз бодыен кокай. Юн ни шуыса тодэм бере йќ вылэ султћ. Пыдын гинэ но нискыласа но утчай: чидатэ.



– Ура-а! – кесяськыны кутскиз вал Вова но, маке тодаз вайыса, шуак чалмиз. Собере Митялы љожомыса каллен вераз: «Эк, Мити, тодысалыд ке, мынам конькие ќвќл ук! Тон мыным конькидэ уд вуза-а? Тятяед тыныд выльзэ басьтоз шуид вал ук...

– Ма кызьы мон сое тыныд вузалом? Со пулэсь ук, тятялэн лэсьтэм маке.

– Џок, пу ке, мыным яралоз сыџеез но. Мамаез городысь басьтыны косыса, кќня пол ини вазиськылћ. Весь вунэтэ. Табере со городэ чаляк уз мыны ни... Вуза, Мити, – сюлворе Вова.

– Уг! – чутрак пумит луэ Митя.

Эшезлэсь верамзэ пумозяз кылзытэк, Вова школае бызьыса пыриз. Класс, кудаз мумиз дышетэ, буш. Анаез учительскойын, дыр. Сумкаез татын. Сое усьтыса, Вова уксё пуйызэ утчаны кутскиз. Шедьтћз. Кык куиньлыксэ басьтыса, янчиксэ азьло интыяз ик понћз. Сумкаез ворсаз но Митя доры школа азбаре потћз.

– Мити, тани уксё, – Вова эшезлы кык куиньлык манетсэ мычиз.

– Уг шуи ук. Ма тон, адями кылэз но уд валаськы ни шат?

– Малы Мити озьы вераськиськод? Оло, ќжыт потэ шат?

– Кык куиньлыкед ќжыт луоз ай! Кызьы уд валаськы, кин нош пу конькиез вузалоз? Сое аслад но лэсьтэмед луоз ук! Эн кышка, кутскид ке, быгатод! Џок, нырысь-валысь, оло, уродгес пќрмоз. Бќрысь ини мукетъёс но киужедлы вожъяськозы. Мон ведь конькиме ачим лэсьтћ, шуыны луоз. Зэм, тятя но кќня ке юрттћз ик. Со туннэ заводэ мынћз. «Корт коньки шедьтћ ке, одно ик басьто», – шуиз. Соку мон пу конькиме тыныд дунтэк сёто, валад-а? Весяклы!

Вова, та верамез кылыса, кык пыд йылаз тэтчаны кутскиз.

– Дугды ай, дугды! Дырызлэсь вазь эн шумпоты. Вордскем чуньы вылын эн ворттылы! Азьло ик шумпотћськод но берло бќрдоно медаз луы... Тятя коньки ќз шедьты ке, соку мар?

– Шедьтоз, шедьтоз, Мити. Кызьы уз шедьты собыдња городысь? Отын ваньмыз вань. Пичи вень но, бадњым-бадњым машина но...

– Тон озьы шуиськод... Городын но нылпиос вань ук, соослэн но нискыламзы потэ, соослы но коньки кулэ. Табере валад-а, малы тятя конькитэк бертыны быгатоз?..

Нош со уксёед лушкамын, луоз. Мын ай, чалякгес пон интыяз!

Табере мама классын, дыр, ини, – йырзэ ошиз Вова.

– Классын ке, мар сыџеез? Сёт кияз.

– Тыныд капчи вераны. Уг, уг сёт кияз. Лушкай шуыса, со монэ жугоз.

– Ма бен, ачид тодод, мар карод. А так-то мамаедлэн кияз сётыса ик умойгес луысал. Оло, ќз но жугысал. Тон ведь янгыштэ, умойтэм лэсьтэмдэ валад. Иське, мамаед простить карыны кулэ. Я ойдо ни, школае пыром, урокъёс кутскозы.

Пиос, паськыт но љужыт ќсэз усьтыса, коридоре пыризы. Отын пиналъёс круген бергаса шудо, кырњало. Круг шорысь пичи ныл (со вылын курень школьной форма) «Разом делаем вот так» кылъёсыз нёжъяса, киоссэс выллань љутћз. Нылпиос но солэсь адњем каризы. Кин кизэ берло љутћз, сое круг шоры султытћзы но выльысь кырњаса берганы кутскизы.

Митяен Вова та шудонэз ќз ик синйылтэ кадь, соос номыр куаретытэк классазы пыризы. Отысь выж чылк-чылк миськемын. Борддорез тќдьы бурен буямын. Огвадесын адњиське бордгазет. Нош доска вадесын – вылћын – Ленинлэн портретэз но солэн гожтэм кылъёсыз: «Дышетсконо, дышетсконо но дышетсконо». Ќс дорынгес тќдьы гур сылэ. Партаос сьќрын кќня ке пиналъёс пуко. Уроклы кулэ книгаоссэс, тетрадьёссэс, ручкаоссэс поттыло...

Митяен Вова парта доразы матэктыса ќз вуэ, љќк сьќрын пукись дышетћсьлэн куараез кылћськиз: «Митя но Вова, кызьы-о пырыку вазёно?»

– Чырткемъяськоно, – Вовалэсь азьлогес вераз Митя.

– Вот али классысь потэ но чырткемъяськыса пыре.

Дышетћсьлэсь кылзћськытэк ќйлась. Пиос ог-огзы шоры учкизы но классысь потыса выльысь пыризы.

– Чырткемесь! – џош вазизы соос.

– Умоесь. Табере вот асьтэос но чылкак мукетэсь луиды кадь – культурноесь, дышетскем адямиос кадь... Я, мынэ, пуксе, љоген звонок сётозы.

Зэм но, љоген гырлы жингыртћз но урок кутскиз...

Љытазе Вовалэн џужатаез куное вуиз. Со та гуртын ик мукет нылпиосыз дорын улэ. Нош куддыръя нылзэ но нуноксэ чаклан сямен Воваос доры но пыралля. Вовалэн џужатаез шоро-куспо мугоро, йырсиез бурен маяллям кожалод, ымнырзэ кисыриосын гожмамын, бездыны кутскем пичи синъёсыз пежъян кадь лэчытэсь, пыртћ потыны туртто. Озьы соос пинал лулэз рентген сямен эскеро, кожалод. Соин ик, кыџе ке шумпотондэ яке куректондэ вато шуыса, эн ик малпа. Нош Вовалэн со вакытэ йыраз пу коньки кортџог кадь мертчиськемын вал. Со гинэ шугъяськытэ на пияшез, мукетыз номыр но кулэ ќвќл ни. Но бадњым шумпотонзэ яке сюлмаськонзэ-а шуод со шараяны уг дырты. Угось вакчи улоназ со трос пол «сутћськылћз» ни. Вуюись кадь чебер малпанзэ шарая гинэ – со уг быдэсмы ни. Таяз учыре но озьы ик луоз шуыса, Вова шудбур бурдозэ кыре лэзьыны уг дырты...

Но џужатайлэсь маке ватыны быгатод шат? Нунокезлэсь шугъяськонзэ со соку ик шќдћз. Но мугзэ котыръяса утчаны кутскиз:

– О, тынад пие, сукыриед пыже ини. Нуноксэ њыгыртыса, тыбыраз топ-топ вешаз, юалляськыны ылаз: «Кыџе мар дышетсконэд мынэ, пие? Кыџе отметкаосыныд шумпоттод ай туннэ?

Вова шуак ќз куареты. Соин ик песятаез веранзэ ачиз ик азинтћз.

– Маке но, пие, синъёсыд пилемен возъяськемын. Маке но луиз, оло? Вера, вера, пие. Секыт издэ кушты сюлмысьтыд. Ќд ке кушты, со уката секытомоз. Кайгулэн-куректонлэн сыџе сямыз вань: сое нокинлы но уд вераськы ке, со вуюись кор кадь котме, тордэ...

Озьы но, тазьы но Вовалэн џужатаез выриз нунокезлэсь сюлмаськон-шугъяськонзэ портыны. Ќз пќрмыты. Вова ваменскиз, вамен тулзэ куртчиз. Мугез огшоры но валамон. Со понна, кенешно. Нош џужатаезлы ќз усьтћськы бере, кытысь со тодоз...

Џуказеяз Вова школаысь бертыкуз ик џужатаез доры дыртћз. Тыбыраз дышетскон котыр нуллон песьтэрез, киосаз – пу конькиос. Синъёсыз шумпотонэн љуало, пельпум сьќраз бурдъёсыз вань кожалод.



– Ура-а! Малпанэ быдэсмиз! Табере сое џужатайлы но вераны луоз...

с. 1

скачать файл